Ikasleen artean euskaraz bizitzeko gogoa eta ilusioa sustatzeko abenduaren 3an egingo den Euskararen Nazioarteko Egunaren harira, Euskaraz bizi nahi dut lelodun elastikoa edo kamiseta erostera gonbidatzen zaituztegu. Aurten ikastetxeentzat egin duten ale berezia kolore urdineko kamiseta izango da. Hala ere, gogorarazten dizuegu www.euskarazbizinahidut.eus/denda atalean ikusgai dituzuela beste hainbat produktu. Baita ere, gogorarazi ikastola bidez egin dezakezuela produktu horien eskaera, idazkaritzara deituta (943692321) edo zubimusu@ikastola.eus helbidera mezua bidalita. Eskaerak egiteko azken eguna azaroaren 11 izango da.
Berriak
2019.11.06
Aurten ere Errigorako saskiak erosiz Nafarroa hegoaldeko euskalgintzari laguntzeko aukera dugu! Zazpigarren edizio hau berrikuntzekin dator, 3 lote ezberdin jarri baitira aukeran: beltza, berdea eta zuria. Hurrenez hurren, saski bakoitzak 50€, 60€ eta 70€ balio dute. Saski bakoitzaren prezioaren %25 Nafarroako hegoaldeko euskalgintzari laguntzeko erabiliko da. Aurten, besteak beste, zonalde horretako euskaldunak, euskaltzaleak eta eragileak saretzea helburu duen "Agerraldia" egitasmoa martxan jartzeko erabiliko da. Sasiak eskatzeko epea azaroaren 20an amaituko da. Helbide honetan bete dezakezue saskien eskaera orria: Errigora saskiak.
2019.11.06
Kilometroak 2020-ren aurkezpen ekitaldia azaroaren 15ean izango da, 19:00etan, Amasa-Villabonako Olaederra kiroldegian. Eusko Jaurlaritzak onartutako ikuskizun eta Jokoei buruzko Legearen xedapenak bete ahal izateko, edukiera mugatua izango da. Beraz, 2 urtetik gorako guztiek, sarrera txartelak erosi ahal izango dituzte, 2€-an, hurrengo salmenta tokietan, azaroaren 8tik 14ra bitartean: Ikastolako idazkaritzan, Amasan Iturri-goxo jatetxean, Villabonan Xiker tabernan eta Amasa kafetegian, eta Zizurkilen Elbarrenako Ogi-zuri kafetegian eta Iriarte jatetxean.
2019.11.04
Askotariko ekintzak egin ditu urrian zehar ostegunero Mahi-Mahi-k Zubimusun. Tai-way ekintza Taiwan-i buruz, Bikingoen kultura eta elikadura ezagutu, Amalurra besarkatuz haziak landatu zituzten, eta Azkenburuz blai izeneko ekintzan zaporeekin, testurekin, formekin eta osagaiekin esperimentatu zuten. Ikusi ekintza bakoitzari buruzko irudiak.
2019.10.18
Sorpresa ederra jaso zuten atzo Zubimusuko haurrek: Argitxoren bisita! Txerminen eta Zizurkilen egon zen, eta bertako haurrekin elkartu zen. Euskara maite duen eta haurrak euskaraz entzutea gustuko duen iratxoa da Argitxo. Harri murri zapero bero bero bero, haurrak egin euskaraz orain eta gero! Ikusi irudiak!
2019.10.15
Aizkardi Mendi Elkarteko Ttonttorrez Ttonttor sailak irteera antolatu du iganderako, urriak 20. Azkoitian egingo den Eskolarteko Finalista Egunera izango da irteera. Villabonako Olaederra kiroldegitik 08:15ean abiatuko dira autoz Azkoitiara, eta egun erdiko irteera izango da. Izena emateko azken eguna ostegunean izango da, urriak 17, 665 73 14 64 telefonora deituta.
2019.10.11
Urriaren 20an Tuteran egingo den Nafarroa Oinez festara joateko autobusa antolatu du Tolosako Galtzaundi Euskara Taldeak. Autobusean joateko izena eman nahi duenak ikastolako idazkaritzan eman behar du izena. Urriaren 17an 12:00etan bukatuko da izena emateko epea. Pertsonako 12€ ordaindu beharko da, eta Atarikide txartelarekin 10€. Animatu eta eman izena Nafarroa Oinez-era joateko!
2019.10.07
Zubimusu Ikastolako DBH-ko 3. eta 4. mailetako ikasleek Kilometroetako Erronkan parte hartu zuten atzo, Zarautzen, oso giro onean, gainera. Sailkapen orokorrean 3. lekua lortu zuten. Egindako frogen deskribapena eta argazkiak honako lotura honetan ikusi ditzakezue: Zubimusu Erronkan.