Berriak

2020.02.12

Aizkardi mendizale elkarteko Ttonttorrez Ttonttor sailak antolatuta Leitzako Urepelera irteera egongo da igandean, otsailak 16. Amasa-Villabonako Olaederra kiroldegian elkartuko dira, 09:00etan, eta kotxeetan egingo dute Leitzara arteko bidea. Egun erdiko irteera izango da. Gogoratu irteeran parte hartu nahi duten umeek guraso edo arduradun batekin joan beharko dutela.

2020.02.11

Lehen Hezkuntzako 6. mailako ikasleek Ioritz Elgorriaga ikasle ohiaren bisita izan dute gorputz hezkuntzako saioan. Malabareak lantzen ari dira eta malabaretan, zehazki, "deabru makilekin" oso abila da Ioritz. Erakustaldi bat egin zuen ikasleen aurrean, eta horiek nola erabili behar diren noiz eta non ikasi zuen ere kontatu zien. Ikasleak oso gustura ibili ziren eta asko eskrtu zuten Ioritzen bisita.

2020.02.05

Atzo luxuzko bisita izan genuen ikastolan, JOXE MARI IPARRAGIRRE artista euskaldunaren oinordekoarena. Urretxuarraren hereniloba den Enrique Iparragirrek haren bizitzaren pasadizoak, abenturak eta bestelako anekdota ugari kontatu zizkien DBH 4ko ikasleoi. Poetaren jaiotzaren 200. urteurrena ospatzen den honetan, aukera izan dugu era intimistago batean ezagutzeko. Ekintza honek, Euskal Literatura arloan lantzen ari garen euskal poesiagintza borobiltzeko balio izan digu, izan ere, Elizanburu eta Bilintx poetekin batera, Iparragirreren obra aztertu baitugu. Bejondeizula!

 

2020.02.04

Lehengo asteazkenean 6.mailako ikasleek oso bisita berezia izan zuten. Villabonan bizi den Modou Senegaldarra hain zuzen ere, jarduera hau, ikasleak 6.mailan burutzen ari diren proiektuaren barnean txertatu dute. Bertan, Senegaleko errealitatea hobekiago ezagutzeko aukera izan dute, horretarako, ikasleek galdera zaparrada egin diote Modouri eta bide batez beraien proiekturako oso baliagarria den informazioa jaso dute. Adierazgarria izan da ikasle eta Modouren artean sortutako giro polita. Errepikatzeko modukoa!!

2020.02.03

Pasa den 29an, asteazkena, Miren Agur Meabe idazlea izan zen gurean DBH4. mailako ikasleei irakurri berri duten "Itsaslabarreko etxea" liburuari buruz hitz egiteko. Liburuko gakoak xehatu zituen ikasleen galderei erantzunez eta baita aholkuak eman ere, irakurketaz gozatzeko edota idazle bihurtzeko.

2020.01.22

Datozen asteetara begira jarrita, Lilaton lasterketa izango da beste zita garrantzitsu bat Gipuzkoan eta Euskal Herrian zehar gure jaia eta Korri, punpa, ttak! leloa zabaltzeko. Oraindik izena eman ez duzuenoi zera eskatu nahi dizuegu: Ikastolara deitu eta bertan izena ematea. Dagoeneko izena emanda duzuenok ikastolako talde bezala azaltzeko aukera ere baduzue, horretarako deitu Ikastolara eta bertatik egingo dugu aldaketaren tramitazioa.

2020.01.21

Elikadura osasuntsua Mahi-Mahi jantokietako oinarri nagusietako bat da. Sukaldeko lan-taldeak plater osasuntsu, goxo eta maitasunez beterikoak egitearen arduradun dira. Horregatik, egunerokotasunean gure elikadura osasuntsu eta orekatua izateaz arduratzen den Mahi-Mahi sukaldaria ezagutuko ekintza antolatu du biharko Mahi-Mahik. Gainera, bere osagai sekretu kuttunenak lapikora bota, irabiatu eta azkenburu magiko bat ekarri du! 

2020.01.15

Zubimusu Ikastolak eta Mahi-Mahi by Askora-k antolatuta “Behi zoriontsuaren errezeta” antzezlana ikusi ahalko da ostiralean Villabonako Gurea zineman. Tyl-Tyl antzerki konpainiak taularatuko du lana, 11:00etatik aurrera.

Orriak