Berriak

2019.10.07

Zubimusu Ikastolako DBH-ko 3. eta 4. mailetako ikasleek Kilometroetako Erronkan parte hartu zuten atzo, Zarautzen, oso giro onean, gainera. Sailkapen orokorrean 3. lekua lortu zuten. Egindako frogen deskribapena eta argazkiak honako lotura honetan ikusi ditzakezue: Zubimusu Erronkan.

2019.10.04

HHko haurrek mugikortasunaren inguruko lanketa egin dute aste hauetan. Garraio mota ezberdinen inguruan egin dute lanketa: zein diren kutsatzen dutenak, zein diren jasangarriak... Bizikletaren erabilera ere izan dute jomuga, eta horren harira Ane Iriarte ikasle ohiaren eta txirrindulariaren bisita jaso dute.

2019.10.01

2019-2020 ikasturterako Eusko Jaurlaritzak eskaintzen dituen ikasketetarako diru laguntzak (bekak) eskatu daitezke. Aurreko urtean eskaera egin zuten guztien eskaera orriak (beka ukatutakoenak ere bai) idazkaritzan daude, sinatzeko prest. Beka eskaera berria egin behar dutenek informazioa ikastolako idazkaritzan eskatu dezakete, edo Hezkunza Sailaren webgunean. Eskaerak aurkezteko azken eguna urriaren 29a izango da, asteartea. Ikastolako idazkaritzaren ordutegia honakoa da: 09:00etatik 13:30era eta 15:00etatik 18:00etara.

2019.10.01

Dakizuen moduan, Erronka DBHko gazteei zuzendutako proba da, Kilometroak jaiaren egunean taldeka aktiboki parte har dezaten. Hainbat proba egin beharko dituzte ikasleek igandean Zarautzen egingo den jaian, eta proba horietan euren abilezia, indarra eta abiadura neurtuko dira. Horretaz gain, bideo lehiaketan ere hartuko dute parte, eta garrantzitsua da gure erronkarien bideoa bozkatzea. Honako helbidean ikusi eta bozkatu daiteke bideoa: Bideo lehiaketa.

2019.09.27

Atzo egin zuten ikasturteko lehen Kantujra Zubimusuko Lehen Hezkuntzako ikasleek. Aurrerantzean hilabetero elkartuko dira, azken ostegunean, 11:30ean, ordu erdiz elkarrekin kantuan aritzeko.

2019.09.26

Tolosako Galtzaundi Euskara Taldeak antolatuta, autobusa jarriko da Villabonatik eta Zizurkildik Kilometroak festara joateko. Autobusean joan nahi izan ezkero, ikastolako idazkaritzan eman behar da izena.

2019.09.26

Estitxu Fernandez psikologoak saioa egingo du urriaren 5ean Zubimusu ikastolan, 10:00etatik 12:00etara. "0-6 etapa. Mugimendu librea, autonomia eta sozializazioa" izango da saioaren gaia. Dohainik izango da, eta izen-ematea ikastolan egin behar da, edo 943692321 telefonora deituta.

2019.09.25

Villabonako Aizkardi mendizale elkartearen Ttonttorrez Ttonttor sailak igandean (iralak 29) egingo du haurrei zuzendutako lehen irteera. Belabietara izango da irteera, Villabona-Komizar-Belabieta-Amasa-Villabona ibilbidea eginez. Egun erdiko irteera izango da, 09:00etan Olaederra kiroldegitik abiatuta.

Orriak