Berriak

2018.10.31

LH4ko ikasleak  Larraitzeko "Txindokiko itzala" abentura parkean ibili dira eta arratsalde partean  Altzoko herria ezagutzeko aukera izan dute, "Handia" filmaren arrakastaren ondorioz, ondo ezaguna egin dena. Altzoko Handiaren jaiotetxea ere ikusi dute. Argazkiak bizitako gozamenaren lekuko dira. 

2018.10.30

Normalean gurasoen eta haurren artean heriotzaren gaiak ez du presentziarik izan ohi, gertuko norbait zendu eta azalpenak ematea tokatzen den  arte. Une horretan ez dira, ordea, beti hitz egokiak aurkitzen. Bizitzaren parte izan arren, txikiekin ez da heriotzaz naturaltasunez hitz egiten gizartean. Zubimusu Ikastolak Halloween egunaz baliatu nahi izan du haurrei heriotzaren gaia hurbiltzeko. Jangela zerbitzuaren erabiltzaile diren neska-mutilekin jorratuko dute gaia, izan ere, ekimena Mahi-Mahi by Askora proiektuaren baitan garatuko baita.

2018.10.29

Ixiar Zugarramurdik 25 urte egin ditu aurten Zubimusu Ikastolako begirale gisa eta umeek sekulako sorpresa prestatu die. Txalo zaparrada batekin hartu dute jangelan eta “Mila esker” irakur zitekeen kartel handi bat zabaldu.

2018.10.16

Abenduaren 3ko Euskararen Nazioarteko Egunaren harira, Euskaraz bizi nahi dut lelodun elastikoa edo kamiseta erostera gonbidatzen zaituztegu. Aurten ikastetxeentzat egin duten ale berezia kamiseta gorria da, hala ere,  www.euskarazbizinahidut.eus/denda orrian ikusgai dituzue beste hainbat produktu eta ikastola bidez egin dezakezue eskaera.

2018.10.16

Ikastolak gurasoei zuzendutako bilera informatiboak egin ditu EKI proiektuaren nondik-norakoak azaltzeko. Izan ere, egitasmoaren gakoa  ez da paperezko testu liburuen ordez, ordenagailua erabiltzea. EKI kontzeptua askoz ere zabalagoa da eta ikaslegoaren konpetentziei zuzendutako material didaktiko berritzaileari egiten dio erreferentzia.

2018.10.15

Urriak 21ean, datorren igandean, Nafarroa Oinez jaira joateko autobusak jarriko dira. Nahi duenak ikastolan bertan eman dezake izena. Zizurkildik 9:30ean aterako da autobusa paper fabrikako geldokitik eta Villabonatik, 9:35ean, Kiroldegitik. 

2018.10.11

KiVa eskola-jazarpena prebenitzeko eta jazarpen-kasuei modu eraginkorrean aurre egiteko programa da. Gaur Kiva Eguna ospatu dute ikasle eta irakasleek Zubimusu ikastolan inolako jazarpenik ez dela onartzen aldarrikatzeko.

2018.10.10

Gipuzkoa Mendi Federazioak urtero  bezala, “Finalista Eguna” mendi ibilaldia antolatu du, Aizkardi Mendizale Elkartearekin batera. Urriaren 21ean izango da eta Amasa-Villabonako mendi bideetatik burutuko da. Izen-ematea zabalik dago. 

Orriak