Berriak

2019.09.25

Aurten, urtero bezala, Ikastolen Elkarteko Aisiola begirale eskolak begirale ikastaroa eskainiko du Zubimusu ikastolan. 310 orduko iraupena duen ikastaroa da eta Batxilergoko 1. eta 2. mailako ikasleei zuzenduta dago. Ostirala, irailak 27, izango da matrikula egiteko azken eguna.

2019.09.23

Urteroko legez, Ikastolako DBH3 eta 4ko gazteek Kilometroak eguneko Erronka lehiaketan parte hartuko dugu, eta lehen frogarako etxeetan erabilitako ahalik eta olio gehien bildu behar dugu. Asteartetik ostiralea Txermingo emergentziazko eskaileren ondoan izango gara, 17:05tatik 17:30tara, zuek ekarritako olioa gure ontzian jasotzen. 

2019.09.17

Ikastolak bizikletaz lotu dituzte, eta bertan izan dira Zubimusuko hainbat kide ere, Villabonatik Andoainera arteko ibilbidea egin eta aurtengo Kilometroetako "ni, hi, hura, ikastola mundura" leloa zabaltzeko.

2019.09.12

Bihar, ostirala, Villabonako Udalak Iraitz Arrospide omenduko du, duela egun batzuk Errumanian egindako lorpenagatik. Arrospide 50 kilometroko Munduko Txapelduna dugu errekor berria erdietsi ostean eta haurrentzat antolatu den krossean eta ondorengo omenaldi ekitaldian parte hartzera animatu nahi zaituztegu, lorpenak merezi duelakoan. 

2019.09.11

Igande honetan, irailak 15, iaz martxan jarritako ZIKLOMETROAK probaren bigarren edizioa izango da. Gipuzkoako ikastolek herrialdeari bira emango diote erreleboka. Kilometroak 2019 ospatzeko hilabete eskas falta den honetan, ikastolak bizikletaz lotu nahi dira. Ekimena ikastolako guraso eta langileei zuzenduta dago.  Hitzordua Zubimusu Ikastolan 15:00etan izango da.

2019.09.09

Aisiola, Ikastolen Elkarteko Begirale Eskolan begirale titulua lortu nahi duten gazteei zuzenduta, bilera informatiboa egingo da datorren astelehenean, irailaren 16an. Ikastaroa 150 teoria orduk eta beste 160 praktika orduk osatzen dute eta burutzen dutenek eskuratzen duten titulua SSCB0209 Haurren eta Gazteen Aisialdiko Jardueren Dinamizazioa izeneko Ziurtagiri Profesionala da.

2019.07.12

Kilometroetako lehen Batzorde Iraunkorra egin ostean, zuregana jotzen dugu laguntza eske. Nahiz eta 2020ko urriaren 4an izango den gure KMK eguna, aurtengo urrian hartuko dugu erreleboa eta ordurako hainbat gauza prestatu beharra dauzkagu. Horretarako ezinbestekoa dugu AUZOLANA. Eskertuko genizuke zure etxean edo inguruan laguntzeko prest dauden gremio desberdinetako pertsonen kontaktuak helaraziko bazenizkigu.

2019.06.26

Ikasturteari amaiera polita eman diote DBH3 eta 4ko neska-mutilek tailer desberdinetan parte hartuz. Batzuk, Saharako haurrei laguntzeko txalupa solidarioak egiten aritu dira, bete batzuk , OKA joko erraldoia egin zuten datorren ikasturtean Zentroko eraikinera pasako diren ikasleen bidelagun izan eta elkar ezagutzeko. Giltzatakoak ere egin zituzten eta talde batek, baita mendi martxa ere. Bikain agurtu dute ikasturtea. IKUSI ARGAZKIAK HEMEN

Orriak