Berriak

2018.06.11

Arabako ikastolen jaia ospatuko da datorren igandean, ekainaren 17an eta nahi dutenek autobus zerbitzua erabili dezakete. Zubimusu Ikastolan eman daiteke izena eta egunean bertan Villabonako kiroldegi paretik 9:35ean aterako da. Itzulera 19:00etan izango da. Animatu zaitezte!

2018.06.01

Ikastolako baratza zaintzeko sekulako txorimalo dotorea egin dute hiru urteko haurrek hegaztiak uxatzeko uzta kaltetu aurretik. Alkondara koloretsua eta bakeroak soinean, kapela era jarri diote txorimaloari gizakion antza har dezan.

2018.05.31

Hirugarren urtez jarraian, DBH3ko ikasleek Social Sciences-eko proiektu gisa, Kongoko biztanleei laguntzeko mugikor bilketa abiatu dute. Etxean mugikor zaharren bat duten guztiak ikastolan uztera animatu nahi dituzte. Ekainaren 22ra arteko epea jarri dute mugikorrak entregatzeko. Zubimusu Ikastolaren hiru eraikinetan jarriko dira mugikorrak jasotzeko kaxak.

2018.05.28

Villabonako eta Zizurkilgo HH3,4 eta 5eko haurrek Baliarrainera egin dute ikasturte amaierako irteera. Jolasari tartea eginez, dibertimendua izan da nagusi ikasgeletako hormetatik at. Eguraldia lagun, parkean erruz gozatu dute. Argazkiak dira horren lekuko. Ikusi nahi? KLIKATU HEMEN ARGAZKI GUZTIAK IKUSTEKO

2018.05.24

Oliten, Nafarroan, izan dira LH3 eta 5eko neska-mutilak. XIII eta XIV. mendeetan eraikitako gaztelua edo Nafarroako Erregeen Jauregia bisitatu dute. Erdi Aroko gaztelurik luxuzkoena izan zela Europan esaten da.

2018.05.22

Maiatzaren 27an Santurtzin ospatuko den Ibilaldia jairako autobusak jarriko dira. Zubimusu Ikastolan bertan eman dezakete izena garraio publikoa erabili nahi dutenek. Joan-etorria 12 euro kostako da eta 10 euro Galtzaundikideei eta Atarikideei. Egunean bertan, autobusa Villabonatik 9:20an aterako da. Itzulera 19:00etan izango da. 

2018.05.22

Villabonako eta Zizurkilko LH2ko ikasleek bi eguneko egonaldia egin dute Nafarroako Narbarte herrian. Bertizko aterpetxean izan berri dira eta besteak beste, hango abentura parkeaz gozatzeko parada izan dute. Disko festa ere izan dute eta beste hamaika pasadizo oroitzapenean dutela bueltatu dira etxera. Ikusi bideoa. 

2018.05.22

Milimetroak festako argazkiak biltzen ari gara eta hementxe lehenengo sorta. Joango gara ditugun argazkiak webguneko multimedia atalean eta Facebooken argitaratzen. Oroitzapen polita utzi digu jaiak. KLIKATU HEMEN ARGAZKIAK IKUSTEKO  eta gozatu irudiekin!

Orriak