Berriak

2019.03.07

Asko direlako arrazoiak eta berdintasunean ezer ez egitea, atzera egitea delako, Zubimusu Ikastolako emakumezko irakasleak greba feministarekin bat egingo dute bihar. Beraz, gizonezko irakasleei egokituko zaie egin beharrekoei aurre egitea. Gaur eta bihar, berdintasunaren inguruan hausnartuko dute ikasleek ekintza ezberdinen bidez.

 

2019.03.06

Igande honetan, martxoak 10, Eskolarteko XXXII. Mendi Lehiaketaren baitan, IBILALDI NEURTUA egingo da Tolosan, beste hainbat herritan bezala. Parte hartu nahi duzuen ikasleontzat Aizkardi Mendi Elkarteak hitzordua goizeko 8:00etan kiroldegian jarri du. Partaideak kotxeetan joango dira Tolosara.

2019.03.04

Ohiturari jarraituz, ikasleek ostiralean Zizurkilen ospatu zituzten inauteriak . Txinatarrez mozorrotuta, musika eta umorea izan ziren nagusi. Pasatako une dibertigarriak gogoratzeko, hona hemen ARGAZKIAK.

2019.03.01

Dotore eman zien atzo inauterie hasiera gure gaztetxoek Fleming Herri Eskolako neska-mutilekin batera. Gogotik gozatu zuten Ostegun Gizenaz, musika eta dantza lagun. Gaur Zizurkilkoen txanda izango da. San Millan ikastetxeko eta Pedro Mari Otaño eskolako ikasleak izango dituzte bidelagun. IKUSI ARGAZKI GUZTIAK.

2019.02.18

Zubimusu Ikastolari jangela zerbitzua ematen dion Askora enpresako zerbitzu aholkularia eta nutrizionista da Alvaro Ruiz. Berari galdetu diogu zeintzuk diren elikadura osasungarriaren giltzarriak.

2019.02.13

Humusa barazkiekin, kuskusez beteriko tomateak, barazki eta oilasko takoak eta freskagarri naturala. Plater horiek guztiak prestatu zituzten atzo Sukaldaritza Familian tailerrean parte hartu zutenek. Gero, nola ez, euren etxeetan afaltzerakoan dastatzeko aukera izan zuten. Ekimena III.Jardunaldi Pedagogikoen baitan gauzatu zen.

2019.02.08

LH1eko ikasleek dinosauroen inguruko proiektua landu dute eta borobiltzeko, dokumentala egin dute ikasitako guztia euren familiekin partekatu nahian. Talde lanean erronka aise gainditu dute. Dinosaurioen munduan sakontzeaz gain, grabazio lanetan ere ondo moldatu dira. Irudiak aukeratu, ahotsa eta musika sartu…

2019.02.07

Lilatoiaren 30. edizioa martxan da eta Zubimusu Ikastolak ez du martxoaren 10eko hitzordua galdu nahi. Iaz bezala, Zubimusu Ikastolak taldea sortuko du nahi duzuenok  ikastolaren izenean parte hartu ahal izateko lasterketan, emakumezkoen eta gizonezkoen arteko berdintasuna aldarrikatuz. “30 urte berdintasunaren sustraiak sendotuz” da aurten aukeratu duten leloa.

Orriak