kirola

Aizkardi mendizale elkarteko Ttonttorrez Ttonttor sailak igande honetan Donostian egingo den eskolarteko ibilaldi neurtuan parte hartzeko deia egiten du. Izena emateko 665 731 464 telefonora deitu behar da, osteguna baino lehen. Parte hartzaileak 08:30ean elkartuko dira Villabonako Olaederra kiroldegian eta kotxeetan joango dira Donostiara. Egun erdiko irteera izango da. Gogoratu umeak guraso edo arduradun batekin etorri behar duela irteerara.

Lilatoia lasterketan bizi izandako esperientzia bikainaren ondoren, beste erronka bat dugu orain eskuartean: Enpresen lasterketa! Enpresen lasterketaren XIII. edizioa da aurtengoa, maiatzaren 17an izango da (10:00etan hasita), Donostian, eta 8,5 kilometroko ibilbidea osatu beharko da, Alderdi Ederren hasi, hiriko hiru hondartzak igaro eta berriz ere Alderdi Ederren amaituz. Zubimusu Ikastolatik bertan parte hartzeko deia egiten dizuegu, guztion artean Kilometroak jaia zein gure ikastolaren izena han eta hemen zabaldu eta elkarrekin Korri, Punpa, Ttak! egiteko. Lasterketan parte hartzeko lau lagunez osatutako taldeak egin behar ditugu: emakumeenak, gizonenak edota mistoak. Zubimusuko langileek zein gurasoek parte hartu ahalko dute. Parte hartu nahi duzuenok bi aukera dituzue: lauko taldea osatu eta taldean izena eman, edo modu indibidualean izena eman. Izena bakarka ematen duzuon artean lauko taldeak osatuko dira. Izena emateko gerturatu, deitu edo bidali mezu bat idazkaritzara maiatzaren 5a baino lehen. Kontuan hartu helburua gure ikastola eta Kilometroak jaia gizarteratzea direla, beraz, animatu eta eman izena!

Zubimusu Ikastolako emakumeek Kilometroak jaiaren izenean parte hartu dute aurtengo Lilaton lasterketa. Horrez gain, "Zure irrifarra, nire indarra" egitasmoarekin bat egin dute, parekidetasuna, inklusioa, elkartasuna, kirola eta boluntariotza balioan jarriz. Ikusi argazkiak hemen.

Datorren martxoaren 1ean Lilatoia izango da Donostian. Zubimusu ikastolak Kilometroak 20ren izenean hartuko du parte, talde gisa. Horrez gain, “Zure irrifarra, nire indarra” ekimenarekin ere bat egin du. Urritasun funtzionala duten haurrei laguntzean datza, lasterketetan parte har dezaten. Zubimusuko boluntarioek gure ikastolako ikasle ohia den Naiara Rodríguezi lagunduko diote Lilatoia egiten. JARRAITU IRAKURTZEN

Aizkardi mendizale elkarteko Ttonttorrez Ttonttor sailak antolatuta Leitzako Urepelera irteera egongo da igandean, otsailak 16. Amasa-Villabonako Olaederra kiroldegian elkartuko dira, 09:00etan, eta kotxeetan egingo dute Leitzara arteko bidea. Egun erdiko irteera izango da. Gogoratu irteeran parte hartu nahi duten umeek guraso edo arduradun batekin joan beharko dutela.

Datozen asteetara begira jarrita, Lilaton lasterketa izango da beste zita garrantzitsu bat Gipuzkoan eta Euskal Herrian zehar gure jaia eta Korri, punpa, ttak! leloa zabaltzeko. Oraindik izena eman ez duzuenoi zera eskatu nahi dizuegu: Ikastolara deitu eta bertan izena ematea. Dagoeneko izena emanda duzuenok ikastolako talde bezala azaltzeko aukera ere baduzue, horretarako deitu Ikastolara eta bertatik egingo dugu aldaketaren tramitazioa.

Aizkardi Mendizale Elkarteko Ttonttorrez ttonttor sailak eskiatzera joateko irteera antolatu du datorren astebururako, urtarrilak 25 eta 26. Iraupen-eski irteera izango da, Somport-era. Irteerari buruzko informazio gehiago emateko eta izen emateko bilera ostiral honetan da, urtarrilak 17, 20:30ean, Aizkardi Mendizale Elkartean. Haurrak guraso edo arduradun batekin joan beharko dira irteerara.

Aizkardi Mendi Elkarteko Ttonttorrez Ttonttor sailak irteera antolatu du iganderako, urriak 20. Azkoitian egingo den Eskolarteko Finalista Egunera izango da irteera. Villabonako Olaederra kiroldegitik 08:15ean abiatuko dira autoz Azkoitiara, eta egun erdiko irteera izango da. Izena emateko azken eguna ostegunean izango da, urriak 17, 665 73 14 64 telefonora deituta.

Villabonako Aizkardi mendizale elkartearen Ttonttorrez Ttonttor sailak igandean (iralak 29) egingo du haurrei zuzendutako lehen irteera. Belabietara izango da irteera, Villabona-Komizar-Belabieta-Amasa-Villabona ibilbidea eginez. Egun erdiko irteera izango da, 09:00etan Olaederra kiroldegitik abiatuta.

RSS - kirola-era harpidetu